𝗠𝗚𝗔 𝗧𝗨𝗣𝗔𝗗 𝗕𝗘𝗡𝗘𝗙𝗜𝗖𝗜𝗔𝗥𝗬 𝗦𝗔 𝗔𝗟𝗔𝗕𝗘𝗟, 𝗡𝗔𝗞𝗔- 𝗣𝗔𝗬-𝗢𝗨𝗧 𝗡𝗔; 𝗠𝗔𝗬𝗢𝗥 𝗦𝗔𝗟𝗔𝗥𝗗𝗔, 𝗚𝗜𝗣𝗔𝗦𝗔𝗟𝗔𝗠𝗔𝗧𝗔𝗡 𝗔𝗡𝗚 𝗕𝗨𝗛𝗔𝗧𝗔𝗡 𝗡𝗜 𝗖𝗢𝗡𝗚𝗥𝗘𝗦𝗦𝗠𝗔𝗡 𝗦𝗧𝗘𝗩𝗘 𝗦𝗢𝗟𝗢𝗡 𝗦𝗔 𝗧𝗔𝗕𝗔𝗡𝗚 𝗦𝗔 𝗞𝗔𝗧𝗔𝗪𝗛𝗔𝗡

 𝗠𝗚𝗔 𝗧𝗨𝗣𝗔𝗗 𝗕𝗘𝗡𝗘𝗙𝗜𝗖𝗜𝗔𝗥𝗬 𝗦𝗔 𝗔𝗟𝗔𝗕𝗘𝗟, 𝗡𝗔𝗞𝗔- 𝗣𝗔𝗬-𝗢𝗨𝗧 𝗡𝗔; 𝗠𝗔𝗬𝗢𝗥 𝗦𝗔𝗟𝗔𝗥𝗗𝗔, 𝗚𝗜𝗣𝗔𝗦𝗔𝗟𝗔𝗠𝗔𝗧𝗔𝗡 𝗔𝗡𝗚 𝗕𝗨𝗛𝗔𝗧𝗔𝗡 𝗡𝗜 𝗖𝗢𝗡𝗚𝗥𝗘𝗦𝗦𝗠𝗔𝗡 𝗦𝗧𝗘𝗩𝗘 𝗦𝗢𝗟𝗢𝗡 𝗦𝗔 𝗧𝗔𝗕𝗔𝗡𝗚 𝗦𝗔 𝗞𝗔𝗧𝗔𝗪𝗛𝗔𝗡

ALABEL, Sarangani Province (Setyembre 20, 2023) – Gipangunahan sa buhatan ni Congressman Steve Chiongbian Solon kauban ang Department of Labor and Employment (DOLE) -Sarangani Field Office, ang pay-out kun releasing sa cash assistance sa mga Tulong Panghanapbuhay sa Ating Disadvantaged/Displaced Workers (TUPAD) beneficiary, Martes sa buntag, Setyembre 19, 2023 sa Alabel Municipal Civic Gymnasium.

Misalmut atul sa maong aktibidad si Engr. Gerald Faciol, isip representative ni Congressman Solon. Nagpasalamat siya sa pag – assist sa mga personahe sa Public Employment Services Office (PESO) aron mahimong successful ang maong programa.

Sumala usab sa PESO Alabel, anaa sa 500 kabuok nga TUPAD beneficiary sa Alabel ang nadawat na ang ilahang payout kun sweldo nga Three Thousand Six Hundred Eighty Pesos (P 3,680.00), nga gi-trabahuan nila sulod sa napulo (10) ka adlaw.

Samtang, dugang nga 300 beneficiary ang mipirma na sa ilahang kontrata sa laing batch sa TUPAD sa mao usab nga adlaw.

Miadto usab si Mayor Vic Paul Salarda, MPA sa maong aktibidad asa gipasalamatan niya ang tanan tungod sa kooperasyon nga gipakita sulod sa 10 ka adlaw nga pagtrabahu sa TUPAD didto sa ilahang mga purok, asa gitahasan sila nga mumugna og community garden nga bisan mahuman na ang programa padayun nga maka-benepisyo ang katilingban sa libre nga gulay gikan niini.

Mapasalamaton ang Lokal nga Gobyerno sa Alabel sa kanunay ug padayun nga suporta sa Provincial Government Unit sa Sarangani ug sa Opisina ni Congressman Steve Chiongbian Solon sa katawhan sa Alabel. Malaumon si Mayor Salarda, nga pinaagi sa tabang sama niini makahatag kini og kabag-ohan sa mga benepisyaryo labi na karong anaa gihapon sa kapit-os ug krisis.

Ang Lokal nga Gobyerno sa Alabel uban sa tanang myembro sa 14th Sanggunaing Bayan, padayun nga muhimo og mga programa ug proyekto alang sa kaayuhan sa katawhan sa Alabel pinaagi sa suporta nagkalain-laing mga ahensya sa kagamhanan. (ALABEL INFORMATION OFFICE)

#SmileAlabel

#MasaganangAlabel

#SulongSarangani

#AlabelPIO

#SaranganiProvince